IÒÒTEK

Kapwong mwurinne ngeni aami meinisin, Ranannim. Sipwe sopweeno ne kinissow pwan mwaareiti Samach Kot woon Naang reen aach manaw me pechekkun, pwan toori ekkewe sokkopaaten tuufich mii fang ngeni emen me emen kiich. Amen. Aach iootek non eei week epwe anongonong woon aan Kot kapas. Rom 8:28; 28 Sia silei pwe lon mettoch meinisin Kot a afisätä feiöchün chokewe mi echeni i, chokewe i a köriir pwe repwe föri letipan. Sia nukuu pwan anneta pwe aan Kot kapas mii wesewesen pwung... oo ennet. Pwan aan Kot kapas epwe chek fokkun fis oo pwenuuweta. Iwe iei pwopwun sia nukuu me etiwa pwe non mettooch meinisin, Kot aa efisaata feieechchun chokewe mii echeni, Amen! Chokkewe Ii aa keeriir pwe repwe feeri neetipan. Iei aach kinissow, pwan iei aach epinukunuk ngeni Kot fansoun meinisin, non mettooch meinisin. Fansoun raan eech ika fansoun raningngaw. Fansoun pwaapwa ika fansoun weires. Fansoun kinamwmwe ika fasoun riaffew. Non fansoun meinisin, non mettooch meinisin, Sipwe wesewesen nukuu pwan etiwa non manawach pwe minne Kot aa fen apasa, pwan ina meet Ii epwe enukunuku aan epwe fis me pwenuuweta non manawach. "Kot aa efisaata feieechchun chokewe mii echeni Ii, chokkewe Ii aa keeriir pwe repwe fori neetipan." Kot, Ii ewe aa wisen efisaata feieech! Kot, Ii aa wiisen fang feieech! Chokkewe mii echeni Kot, chokkewe Kot aa keeriir pwe repwe feeri neetipan, IKKANAIIR, ekkewe Kot epwe efisaata feiechchuur non mettooch meinisin. Iwe, iei pwopwun mei euchchea een me ngaang sipwe epwenuuweta angaangen wiisach keei ngeni Kot, pwe enukunukun aan Kot kapas epwe fis me pwenuuweta non manawach. Sipwe echeni Kot, sipwe pwan feeri neetipen Kot. Iwe sia fokkun sineei, " pwe non mettooch meinisin, Kot aa efisaata feiechchun chokewe mii echeni Ii, chokkewe Ii aa keeriir pwe repwe feeri neetipan." Amen!

Uwa iootek pwe aan Kot we tong epwe napanaapono non kiich, pwe sipwe manaw fengen non, fansoun meinisin. Amen. Ephesus 3:20-21 20 Sipwe mwareiti Kot, i ewe a tongeni föri mettoch meinisin lap seni mine sia tongeni tüngor ika ekieki ren an we manaman mi akangang loch, 21 sipwe alinga i me lon mwichefel pwal lon Kraist Jesus lon fansoun meinisin tori feilfeilachök! Amen.... Upwe tungor aach sipwe achoocho ne anneaani aach keei uwekisin, nge Ngunmifen epwe wiisen anisi kich, pwe sipwe kuna me sineei pwan meefi anonnoonun weeween me tuufichin aan Kot kei kapas. Kinissow chaapwuur reen oomw achoocho ne fiffiti kich.

Aach kapwongen kinissow me mwaareiti Kot ngeni aami choon achoocho ne fiffiti kich meinisn. Sipwe tungor pwe aach uwe Koten Ngunmifen epwe sopweeno ne emwmweni kich reen aan sineenap me tuufich non ekkeei kapasen Kot. Amen. Ephesus 3:20-21 20 Sipwe mwareiti Kot, i ewe a tongeni föri mettoch meinisin lap seni mine sia tongeni tüngor ika ekieki ren an we manaman mi akangang loch, 21 sipwe alinga i me lon mwichefel pwal lon Kraist Jesus lon fansoun meinisin tori feilfeilachök...! Amen. Mei wor ekkeei ruu ( 2 ) sokkun manaw ika angaangen aach Nukunuk, Kapasen Kot aa aiti ngeni kich pwe sipwe manaweni! Uwekisin 20, aa pwopwuueta reen eew ( 1 ), "Sipwe Mwaareiti Kot!" Uwekisin 21 aa pwan aiti ngeni kich oruuwan, "Sipwe Enninga Ii!" Sipwe Mwaareiti Kot! Sipwe pwan Enninga Kot! Ekkeei 2 sokkun manaw mii fokkun anonnoon ekiekin me feffeerun. Epwe kon fatafateech me pwung aach manaweni ekkeei manaw, ika pwe mei pwan fatafateech me pwung aach weeweeiti. Iwe, iei pwopwun mei unusen euchchea aach sipwe tuttungor non aach iootek pwe Ngunmifen epwe emiriiti ngeni kich weeween me pwungen ekkeei sokkun manaw; Mwaareiti Kot mw Enninga Kot. Sipwe iootek, Samach Kot mii napanaap; een ewe Kot en tipachchem me miriit meinisin. Uwa tungor, kose kan mwochen kopwe mwuut ngeni Ngunmifen, epwe aiti ngeni kem netan me pwungun ekkeei manawen Mwaarituk me Enningook pwe aupwe ennetin sineei pwan manaweni. Uwa pwan tungor faan iten choon iootek meinisin me aar kewe families, Semei Kot, een kaa sineei aan emen me emen needs non eei week, non iten Jesus, uwa kinissow reen oomw provide for us accordingly. Amen.